( حيوا الشهيد )
شعر : روكه روكه
حيوا معايا كل شهيد
حيوا معايا كل شهيد
قريب منكم ولا بعيد
ضحى بنفسه وكان من نفسه
إنه يشوف بلده فى عيد
ويلا فى عيده يلا اه شاركوا
واقروا الفاتحه ده والله عشانكم
ضحى بنفسه وابنه وليد
حيوا معايا كل شهيد
حيوا معايا وعلو الصوت
اللى وقف فى وش الموت
اللى اتمنى يعيش فى الجنة
اللى اتشاهد ورفع الأيد
حيوا معايا كل شهيد
حيوا معايا حيوا بقلب
اللى بيادته يا ناس تتحب
اللى بايده ساب أهله وبيته
وخلا املنا فى بكره يزيد
حيوا معايا كل شهيد
