رغم الشدة ورغم المحنة مصر هتفضل اد الدنيا
يوم ورا يوم وياكي و احنا رافعين رايتك دايما عالية
يلي حباكي المولي يا غالية في القرأن ويا الانجيل
رايتك هتفضل في السما عالية
عظيمة يا مصر يا هبة النيل
في حب مصر بغني وبنسج المواويل
وبفخر لأني مصري وطبعي حر اصيل
بحبك يا بلدي وحبك في قلبي
له الف دليل ودليل
ومهما اسافر واتغرب ويأسي عليا الزمان ويميل
لازم ارجعلك واقرب لأن حبك ملهشي عندي بديل
وبفضل عطشان لحد اما اجيلك وارتوي من نبع نيلك
لأنه صافي وفيه الشفا لكل
سقيم وعليل
د انت للمحتاج وطن وانت
للتايه دليل
وفي وقت الشدة والمحن ان جالك عدو يرجع ذليل
اما الصديق تاخديه في حضنك
وتعامليه كأنه ابنك
يا مصر دا اسمك باقي للابد هيردده جيل ورا جيل
في حب مصر بغني وبنسج المواوويل
في حب مصر بغني وانسج المواوويل
احمد السمان
