مقالات

مدحت محي الدين ” يكتب” الحفاظ على الصحة العامة

 

معروف طبعا إن اللي عايز يحافظ على صحته لازم ياكل أكل صحي و يمارس رياضة حتى لو كانت رياضة المشي، ده غير الاهتمام بالنظافة سواء الشخصية أو نظافة المنزل و الملابس، و يا سلام لو منعنا التدخين تبقى الحياة روعة…من أهم الحاجات إننا مانستهونش بالتعب و مانهملش صحتنا؛ يعني ماينفعش حد يحس بأعراض برد يقوم بدل مايرتاح و يكشف عند دكتور متخصص يروح ياخد أي دوا من أي صيدلية و يشد على نفسه و يتعبها…مع احترامي لكل الصيادلة بس الصيدلي مش وظيفته إنه يشخص المرض و ممنوع يكشف على مريض، دي وظيفة الدكتور بس هو اللي وظيفته إنه يكشف و يشخص و يكتب العلاج و الصيدلي بيكمل إنه بيصرف العلاج ده و يرجع للدكتور لو الأمر احتاج ظبط للجرعات أو إنه يعرض بديل لو العلاج مش موجود بس برضو بعد ما يرجع للطبيب….و خلي بالك برضو إن مش كل الصيدليات بيقف فيها صيادلة، ساعات بيقف فيها ناس من مؤهلات تانية….خليك في السليم و ماتستهونش بصحتك و صحة أولادك…ماتفتكرش إنك بتوفر انت كدة بتعرض حياتك و حياة أولادك للخطر، و بالعكس هتلاقي نفسك لو مشيت صح هتوفر أكتر في فلوسك و صحتك و صحة اللي يهموك….الصحة نعمة، حافظ عليها و عاملها باللي تستحقه.

الوسوم

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً

إغلاق
إغلاق