مقالات

نعيمة خالد ” تكتب” لست ملحدا “

هناك كلمات تكتب ولا تمحى تعلق بالاذهان الى ابد الابدين ..وهناك كلمات تكتب بالقلب ولا تنطق تجاور الصمت ..الفرق بين الظلام والنور هو بذوغ الشمس
كذلك انت وانا وكلنا ?
وحدك قادر ان تقف بعد كل سقوط وحدك انت بطل حكايتك ما خلقت يوماً للنعيم فقد خلقنا ف كبد حتى نزول الستار وتوضع كلمة النهاية ?❤
ولكن قبل كل ذلك ماذا قدمت بين البداية والنهاية
هذا هو السؤال ؟!!
هناك اوقات سترضي بكامل قلبك والله يعلم أن الرضي لما يكن هين….

هنتكلم عن حكاية يمكن تكون حكايتنا كلنا
مين فينا مسألش نفسه ربنا شكله ايه ?
طب ازاى اتخلق !!….هو موجود فعلا ?….وترجع تقول
تقول استغفر الله العظيم انا بفكر ف ايه بس?‍♀️ …طريق لو فكرت فيه وانت ايمانك ضعيف ممكن تلحد?‍♀️ ..

خلى بالك انت بتسأل الاسئلة دى وانت عندك كلام ربنا متسجل ع الورق وقبله محفوظ ف القلوب ❤

طيب تعالوا نتكلم عن شاب معملش حاجة غير انه يفكر ف الكون زى و زيك بالظبط بس مكنش معه لا قرأن ولا إنجيل ولا توراة ولا اى وسيلة مساعدة الحقيقة
كان معه قدرة مختلفة تماما اتخلقنا كلنا بيها بس تاهت مننا وهى الروحانية
اتحاد الروح والعقل والقلب مع خالق الكون
الايمان النابع بالفطرة من قلبى وقلبك لربى و ربك ?

عرف خطأ ان ذلك الشاب هو من دعى للتوحيد او الوحدانية?
وهنا دعونا نوضح هناك فرق كبير بين التوحيد وما دعه له الشاب
مصر عرفت ان الله واحد منذ بدأ الخليقة اومال ايه الفرق بين التوحيد قبل اخناتون والتوحيد ف عهده انا هقولك ?☺
بكل بساطة قبل اخناتون ..
مصر عرفت وجود الإلة الأكبر ولكن خرج من نسله صور له او بمعنى اخرى ظهر مفهوم تعدد الإلهة وتقبل المصريين الفكرة??
وتعدد إلالهة هنا يخلينا نفكر للفترة الزمنية المبكرة ومدى ادراك العقل ?
التعدد مكنش ينفى إيمانه إن ن خالق الكون واحد أحد بالعكس كان مقتنع كل الاقتناع أن وهب من روحه ونفسه صفة من صفاته وظهرت لينا ف شكل ما يسمى بالإلهة بمعنى ابسط المصري كان بيحب يجسد كل شئ
بمفهوم اخرى اوضح لينا كلنا
تعرف اسماء الله الحسنى ?
الرحمن الرحيم الملك القدوس السلام المؤمن المهيمن العزيز الجبار …
هى نفس الفكرة بالظبط بس احنا بنتكلم بين قرون بينا و بينها عمر بحاله ….
احنا عارفين إن ربنا هو الكامل ف كل شئ و المصرى القديم كمان كان عارف بس بالتجسيد ….

اومال ايه حكاية اخناتون والتوحيد بقى

اخناتون اكتر ملك مصري قرب للفكرة الوحدانية الصحيحة بالشكل الكامل
و دعى لعبادة إلة واحد بس وهو اتون الذى يتمثل ف قرص الشمس
كفر بجميع الإلهة و قال ف انشودة لأتون

(تخلق العالم بإشارة منك مثلما خلقته ،
وعندما تشرق يعيشون، وعندما تختفي يموتون.
إنك أنت عمر الحياة، وتعيش الناس منك.
وتستمتع الأعين بجمالك حتى تغرب ،
وتـُترك الأشغال عندما تغرب في الغرب.)

فى صفر التكوين ف بعض الايات اقتبست من تلك الانشودة باختلاف طبعا انها لربنا وكانت ع لسان سيدنا سليمان ?

خلينا نقول ان ع مر التاريخ اخناتون هو الاحق لحقيقة الكون كله ولكن دائما
السياسة والدين وجهان لعملة واحدة ?
ولان صوت الاقوى كان هو المسموع اخناتون مقدرش ينشر دينه الجديد
لان اخناتون مكنش الملك القوى زى الامبراطور تحتمس الثالث مثلا… خصم اخناتون كان كهنة امون قوة لا يستهان بيها صعب عليك انك تغير دينك ومعتقداتك فجأة ..لما تكون عايش طول عمرك كل الملوك العظماء بيؤمنوا بدين امون وانت كمان زيهم ..شئ لا هو سهل ولا هين حتى علينا دلوقتى..
وحتى اللى جهروا بدين اتون كان طمع منهم ف مكانة ف الدولة ليس اكثر…وتقرباً لاخناتون مصلحة يعنى?
يمكن لو كان ذو شخصية قوية زى مينا زى خوفو زى تحتمس الثالث زى رمسيس الثانى و زى كل ملك قوى حكم مصر
كانت لدعوته شأن غير الشأن ….??‍♀️
خلينى اشير لبعض النقاط?
1.اخناتون مش اول من دعى للتوحيد .
2.اخناتون مدعاش لعبادة إلة جديد اتون معبود قديم موجود ف مذهب عين شمس( اون ) بس مكنش له شأن عالى ولا ف مصاف إلالهة الكبرى

3.اخناتون مش سيدنا ابراهيم
سيدنا ابراهيم معروف لينا ومؤكدة لكل المؤرخين انه زار مصر ف الدولة الوسطى ?
الاهم ان سيدنا ابراهيم دعى لعبادة ربنا بالهيئة الحالية والمعروفة لينا كلنا وان قرص الشمس اللى عبده اخناتون كان احتمال لسيدنا ابراهيم وعقله رفضه وقتها ..انه يكون ربنا
(مفيش رب بيظهر ويختفى الرب موجود لا يغيب ابدا )

وفى نهاية الامر اخناتون كان صح بس مكنش الاقوى
ده ذنبه الوحيد …ولذلك اختفت دينته بمجرد رحيله عنا عالمنا?

ربنا مش محتاجين نتخيله هو ساكن فينا ف روحنا ?هو الحب الخالد ع الارض وما بعدها ❤ربنا فينا تأمل نفسك وشوف كل الكون حوليك غمض عينك واسمع دقات قلبك حس اد ايه انت ضعيف ادام رحمة ربنا بينا ??
شوف ربنا فكل مرة جبر خاطرك وقلبك ?
شوف ربنا ف ستره ليك ..سترك فوق الارض وكان غفور ورحيم بيك تحت الارض

كل مرة بقول انا مصرية انا صاحبة حضارة وتاريخ متيمة بيها واختارت يكون حبها قدر ليا وتكون رسالتى ف الحياة ان احكى عنها ✌

Naema khaled

مقالات ذات صلة

زر الذهاب إلى الأعلى