ريتاچ مش مجرد طفلة فلسطينية كانت تحت الأنقاض وفقدت قدمها وربنا كتب لها النجاة، عشان نشوفها النهاردة

ريتاچ بتمثل قصة معاناة شعب فضل أن تهدم عليه منازله بدلا من قبول مخطط التهجير القسري ووأد القضية الفلسطينية

ريتاچ بتمثل كل حر وشريف رفض الاستسلام

ريتاچ قالت لما وصلت مصر كله كان بيحضنها ويبوسها، مش عشان شخصها، لا لا لا لا…

عشان فيها ريحة الأرض اللي استعصت على الاحتلال، عشان فيها ريحة مواجهة الظلم، فيها ريحة الابطال
ريتاچ شكرت مصر وشعبها ورئيسها، بس إحنا إللي بنشكرك عشان قصتك وابتسامتك ملهمة

ريتاچ نفسها ترجع ارضها عشان تبقى رسامة

ترسم معاناة شعبها، وازاي من رحم المعاناة بيخرج الفرج
وازاي ان النور بيجي بعد عتمة الفجر وإزاي كانت ومازالت وهتفضل قصة بطلة ترويها الايام

البنت ابكتنا بس شوفنا فيها كرامتنا وعزتنا كشعوب بترفض المحتل وبتقاوم الظلم