صابرين شابه صغيرة عندها ٢٦ سنة وطفلين، وكانت اتجوزت وهي عندها ١٨ سنة.
بعد ٥ سنين من جوازها وبسبب خلافات بينها وبين جوزها، اتطلقت وبقت هي المسئولة عن طفلين (عمرهم ٧ سنين، و٦ سنين)
حسب تصريحات أسرتها، من بعد الطلاق صابرين كانت بتشتغل عشان تقدر تصرف على ولادها، لحد ما من ٣ أسابيع طليقها خطف ابنها الكبير عشان يجبرها تتنازل عن النفقة وحقوق ولادها، وكان بيبعتلها تهديدات بالقـتـل لكن صابرين كانت شايفه أنه بيقول أي كلام عشان يخوفها ويجبرها تتنازل وأنه مستحيل بعمل كده.
امس صابرين كانت مستنيه تجيب ابنها (٦ سنين) من المدرسة زي أي يوم طبيعي، بس اتفاجئت أن طليقها موجود وطعـنها كذا مرة لحد ما ماتت قدام ابنها!!
تم القبض على المتهم وحبسه ٤ أيام على ذمة التحقيق.. بس مفيش حاجه هتعوض أن سـت خسرت حياتها قدام ابنها، وفيه طفلين هيعيشوا من غير أم.
بنتمنى حق صابرين يرجع في أقرب وقت عشان ولادها وأهلها.. وعشان ما تفضلش حياة الستـات رخيصة.
