تحقيقات وتقاريرسلايدر

ننفرد بالصور بنشر القصة الحقيقة للحاج نادي السباعي البطل الحقيقي لمسلسل عبدالغفور البرعي للراحل نور الشريف

اجري الحوار / إسلام شريدح

الحاج نادي مع محمود سعد

الحاج نادي السباعي
عزاء الحاج نادي السباعي

الحاج امين السباعي والملقب بنادي السباعي، والمعروف بعمدة طنطا، شخصية حقيقة لم تتكرر كثيرا وقد التقت الشبكة العالمية للاخبار مع احد اقاربة، وهو الأستاذ مصطفى الطوخي ، وقال نور الشريف اتعرف علي الحاج نادي السباعي  عند تاجر كان صاحب الاتنين واتعرفو علي بعض وبعدين ابتدي يجيله هنا المكتب يعرف منه الطريقة بتاعت البيع والشرا للخردة وطريقة المزادات وخد منه القصة كلها وحط عليها حبكة درامية وعملها قصة مسلسل عبدالغفور البرعي للراحل نور الشريف، وبدأ تجارتة بالخردة بطيارة جماعة من بولندا واقعة في غيط كان بيسرح بالعجلة يلقط رزقه وهما كانو عاملين غيط راح وكل مايكلم الناس مش فاهمينه فلاقي طالب معدي قاله ونبي شوفلي الراجل ده بيقول ايه الطالب قاله انتا عايز ايه ياحاج قاله عايز اشتريها
فقالوله خدها قالهم بكام قالولو الي تدفعه قالهم هدفع ١٠٠ ج كان الكلام ده سنة ١٩٧٢ فقالوله خلاص ماشي اشتراها وقطعها بنفسه لانه مكنش لسه عنده عمال ولا اي حاجة ووداها دكانه بقي وجاله بعد ١٥ يوم ناس من مصر قالولو بكام، وحقق فيها مكسب  كويس وبقي  يبيع قطعة الخردة  ب٣٠٠ او ٥٠٠ واحتفظ بكرسين وطرابيزة عنده لسه في المكتب، الحاج نادي كان طيب وحنين اوي وكان كبير تل الحدادين وكبير طنطا واي حد بيعمله حساب واحترام وكانت كلمته مسموعة وعمره مافتري علي حد كان بيساعد الغلبان ياخد حقه من اتخن ظالم وكان يحل مشاكل وممكن يدفع من جيبه عشان يحلها، جاله تعب في الكلي وبعدين التعب اشتد عليه جامد وقعد عشرين يوم في المستشفي وتوفي ٢٠٢٠/١٢/١، وكان مُلقي دايما بعمدة طنطا، الحاج نادي بدأ من الصفر بعجلة مكنش عنده حتي شقة يتجوز فيها كان عنده حجرتين ايجار وحاليا هو بيمتلك شارع بالكامل بتاعه شارع الحاج نادي السباعي وعامل مسجد قدام بيته المسجد الي اتصلي عليه فيه، الله يرحمه ويسكنه فسيح جناته

مقالات ذات صلة

زر الذهاب إلى الأعلى