حسن بدر
استقبل حضور ندوة وحيد حامد، بمهرجان القاهرة السينمائى الكاتب الكبير استقبالا حافلا بالتصفيق الحاد والوقوف أثناء دخوله علي المسرح، والتي اقمت اليوم ضمن فعاليات مهرجان القاهرة السينمائي في الدورة 42، للتعبير عن مدي الحب، وحضر عدد من النجوم ندوة تكريم الكاتب الكبير وحيد حامد، بمهرجان القاهرة السينمائى، منهم، يسرا، أشرف عبد الباقي، جميلة عوض، الإعلامية مني الشاذلي، المخرج محمد العدل، السيناريست تامر حبيب، وخالد عبد الجليل مستشار وزيرة الثقافةقالت النجمة الكبيرة يسرا خلال حضورها ندوة الكاتب الكبير وحيد حامد، إننى شرفت وحطيت تاج كبير على رأسى، وكبرت كفنانة وإنسانة بعملى مع الكاتب الكبير وحيد حامد، موجهة حديثها له خلال ندوة تكريمه بالدورة الـ42 من مهرجان القاهرة السينمائى الدوى قائلة:”اشتغلت معاك أهم أفلام فى تاريخ السينما المصرية، وأنت مش حتة بس من عمرى ولا من قلبى أنت حتة من عمر الفن الأصيل، أنت حتة من مصر الجميلة، ربنا يحفظك لينا ويحفظك لمصر لأنك أنت أصدق واحد بيحب مصر”.
وقال الكاتب الكبير وحيد حامد: “أدتونى عمر جديد واستمرارية، وحب ودعم من اللى أنا شايفه، وأنا كنت شديد الإخلاص للكلمة اللى بكتبها، ومفيش كلمة كتبتها إلا وأنا حاطت فى ذهنى الناس اللى عايش وسطهم وده أترد ليا فى الآخر”. قالت الإعلامية منى الشاذلى:”معرفش القوة المبهرة اللى بتطلع من وحيد حامد عند دخول أى معركة ومش كلها معارك سياسية ساعات بتبقى اجتماعية هذه القوة بيعادلها إيه فى البيت”، وذلك خلال سؤال طرحته الإعلامية الشهيرة فى ندوة تكريم الكاتب الكبير وحيد حامد خلال فعاليات الدورة الـ 42 من مهرجان القاهرة السينمائى الدولى، والتى يديرها الناقد طارق الشناوى.
ورد الكاتب الكبير وحيد حامد على سؤال الإعلامية منى الشاذلى، قائلا:”الحمد الله أنا مكنش عندى حسابات، ومعملتش حساب لحد أنا كل قرش دخل بيتى وجيبى من قلمى، ولم أكسب أى شئ إلا بجهد حقيقى”قالت النجمة ليلى علوى، خلال ندوة تكريم الكاتب الكبير وحيد حامد ضمن فعاليات مهرجان القاهرة: “مش هقول كلام أنا قلته قبل كدة، أنا عايزة أقولك أنت قيمتك كبيرة أوى مش بس للناس اللى اشتغلت معها، أنت حضرت المجتمع المصرى بأفكارنا وأحلامنا، ولو حد بيسألنى إيه حلمى فى 2021، إن يكون ليك عمل سينمائى”. .
