12 شاب ابتـ.ـلعهم البحر في رحلة هجرة غير شرعية بسيدي براني
سواحل سيدي براني في مطروح شهدت واحد من أبشع مشاهد الهجرة غير الشرعية، بعد العثور على 12 جثـ.ـة داخل مركب مطاطي لفظه البحر ناحية الشاطئ.
شباب أعمارهم ما بين 13 و28 سنة.. منهم طلبة وخريجين، ومن محافظات مختلفة زي البحيرة والغربية والدقهلية والجيزة وأسيوط والقليوبية.
كلهم خرجوا وهم حالمين بحياة أحسن، وفرصة يقدروا يساعدوا بيها أهلهم ويعيشوا بكرامة.
الناس دي اتنصب عليها.. اتقالهم إن مركب مطاطي صغير يقدر يعدي بيهم البحر ويوصلهم لإيطاليا أو اليونان، من غير ما حد يقولهم إن البحر المتوسط واحد من أخطر البحار، وإن المركب ده أصلًا مش معمول لرحلة بالشكل ده.
التقارير قالت إن الجـ.ـثث كانت في حالة تحـ.لل متقدمة، وده معناه إنهم فضلوا أيام طويلة وسط البحر.. لا أكل، لا مية، لا نجدة، ولا أي أمل.
والأصعب من كل ده.. إن فيه شاب كانت جثـ.ته أقل تحـ.للًا من الباقيين، وده معناه إنه غالبًا كان آخر واحد لسه عايش وسط أصحابه وهم بيموتوا واحد ورا التاني قدام عينيه.
تخيل الرعب.. بحر مفتوح، ضلمة، موج، جثـ.ـث حواليه، ومستني أي مركب أو أي نور ينقذه.. لكن النهاية كانت أقوى من حلمه
مازال أهالي كتير قاعدين أمام مستشفى مرسى مطروح، مستنيين نتائج الـDNA علشان يعرفوا إذا كانت الجـ.ـثث دي لأولادهم ولا لا.
ومن بين الأسماء اللي تم التعرف عليها حتى الآن: محمد راضي – 16 سنة – البحيرة – السيد الششتاوي – 17 سنة – الغربية – عبد العزيز أبو العزم – 28 سنة – الغربية — عصام رفعت – 20 سنة – أسيوط — محمد منصور – 17 سنة–الدقهلية— عمر جمال – 21 سنة – القليوبية – عبد الله قنديل – 27 سنة – الجيزة.
الهجرة غير الشرعية مش حلم.. دي طريق للموت والعـ.ذاب.
ربنا يرحمهم جميعًا، ويصبر أهاليهم، ويحفظ شبابنا من أي طريق نهايته الوجع.
